“Neftçi” İsrail çempionu ilə görüşdə qələbəni son anda əldən verdi - YENİLƏNİB + VİDEO

Avropa Konfrans Liqasının pley-off mərhələsinin “Neftçi” - “Makkabi” (Hayfa) matçında qalib müəyyənləşmədi.

Oxu.Az xəbər verir ki, görüşün başa çatmasına bir dəqiqə qalmış - 90+6-cı dəqiqədə “Makkabi” hesabı bərabərləşdirdi - 3:3.

Tərəflər bir həftə sonra İsrailin Hayfa şəhərində cavab görüşünə çıxacaq.

“Neftçi” İsrail çempionu ilə görüşdə qələbəni son anda əldən verdi - YENİLƏNİB + VİDEO

22:50

“Neftçi” Hayfa “Makkabi”si ilə görüşdə hesab dəyişib.

Oxu.Az xəbər verir ki, 77-ci dəqiqədə Neftcinin müdafiəçisi İsmayıl Zülfüqarlı ikinci sarı vərəqə alaraq meydanı tərk etdi.

Bir dəqiqə sonra təyin olunan cərimə zərbəsindən sonra “Makkabi” özünün ikinci qolunu vurub. Neftci azlıqda 3:2 qalib gəlir.

22:34

“Neftçi” Hayfa “Makkabi”si ilə görüşdə iki ardıcıl qol vurub.

Oxu.Az xəbər verir ki, əvvəlcə 66-cı dəqiqədə Yusuf Laval dublunu rəsmiləşdirib.

İsrail çempionunun qapısına 3-cü topu isə 72-ci dəqiqədə “Neftçi”nin kapitanı Emin Mahmudov vurub. Bu epizodda nigeriyalı Laval məhsuldar ötürmə edib - 3:1.

22:18

“Neftçi” Konfrans Liqasının pley-off mərhələsində Hayfa “Makkabi”si ilə görüşdə hesabı bərabərləşdirib.

Oxu.Az xəbər verir ki, 50-ci dəqiqədə nigeriyalı futbolçu Yusuf Laval fərqlənib - 1:1.

Oyun qarşılıqlı hücumlarla davam edir. 

21:25

Azərbaycan çempionu “Neftçi” bu gün Konfrans Liqasının pley-off mərhələsində Hayfa “Makkabi”si ilə ilk görüşünə çıxıb. 

Oxu.Az xəbər verir ki, bu oyunda “Neftçi” qapısında ilk qol görən komanda oldu. 

Belə ki, 9-cu dəqiqədə israilli Omer Atsili hesabı açıb - 0:1. 

Qeyd edək ki, matç Bakıdakı “Bakcell Arena”da keçirilir.