Braziliyalı futbolçu Neymar Lionel Messinin komandaya qoşulmasından sonra Kilian Mbappenin PSJ-də davranışında paxıllığın yarandığını bildirib.
Oxu.Az-ın "Marca"ya istinadən verdiyi məlumata görə, Neymar bu barədə açıqlama verib.
"Biz bir neçə il ərzində yaxşı tərəfdaşlıq etmişik, lakin Messi PSJ-yə keçəndən sonra o, (Mbappe) bir az paxıllıq edirdi. Sonra bəzi münaqişələr oldu, onun davranışı dəyişdi", - Neymarın sözləri nəşrdə yer alıb.
Neymar onun Mbappe ilə çox yaxşı münasibətləri olduğunu da vurğulayıb.
"Bir az mübahisəmiz vardı, amma o, komandanın əsas oyunçusu idi. Mən ona "Qızıl oğlan" deyirdim. Həmişə ona dünyanın ən yaxşılarından biri olacağını deyirdim. Həmişə ona kömək edirdim, onunla danışırdım, o, mənim evimə gəlib, birlikdə nahar etmişik", - braziliyalı futbolçu qeyd edib.
Xatırladaq ki, Neymar 2017-2023-cü illərdə, Messi 2021-2023-cü illərdə, Mbappe isə 2017-2024-cü illərdə PSJ-də çıxış edib. Hazırda Neymar Səudiyyə Ərəbistanının "Əl-Hilal" klubunda, Messi "İnter Mayami"də, Mbappe isə "Real Madrid"də çıxış edir.
