Azərbaycan cüdoçuları Qvadalaxara Qran-prisini 6 qızıl medalla tamamlayıblar.
Oxu.Az xəbər verir ki, bu barədə Azərbaycan Cüdo Federasiyası məlumat yayıb.
Bildirilib ki, Uşanqi Kokauri (+100 kq) finalda ikiqat Olimpiya çempionu Lukaş Krpalekə (Çexiya) ipponla qalib gələrək Meksika tatamisini çempion kimi tərk edib.
Qeyd edək ki, Qran-pridə əvvəlki qızıl medalları olimpiya çempionlarımız Zelim Kotsoyev və Hidayət Heydərov, cüdoçularımız Vüsal Qələndərzadə, Balabəy Ağayev və Ruslan Paşayev qazanıblar.
