Ən son xəbərləri bizim Telegram kanalımızda izləyin
Ötən mövsümün ən yaxşı futbolçusu və baş məşqçisi bəlli oldu
2022/2023 mövsümünün ən yaxşı futbolçusu bilinib.
Bu ada İngiltərənin “Mançester Siti” klubunun hücumçusu Erlinq Holand layiq görülüb. Qalibin adı Fransanın Monako şəhərində keçirilən qrup mərhələsinin püşkatma mərasimində açıqlanıb.
Norveçli forvard səsvermədə “şəhərlilər”dəki komanda yoldaşı olan belçikalı yarımmüdafiəçi Kevin De Bruyne və ötən mövsümü Fransa PSJ-sində keçirən argentinalı hücumçu Lionel Messini qabaqlayıb.
Qadınlar arasında ötən mövsümün ən yaxşısı adına isə İspaniya yığmasının və “Barselona” klubunun yarımmüdafiəçisi Aitana Bonmati layiq görülüb.
Həmçinin, tədbirdə ötən mövsümün ən yaxşı baş məşqçisi müəyyənləşib. İngiltərənin “Mançester Siti” klubunun sükanı arxasındakı Pep Qvardiola bu ada layiq görülüb.
İspaniyalı mütəxəssisə mükafatı UEFA prezidenti Aleksander Çeferin təqdim edib. O, səsvermədə İtaliyanın “İnter” klubundakı həmkarı Simone İnzaqi və ötən mövsüm “Napoli”ni çalışdıran Luçano Spallettini qabaqlayıb.
Bununla yanaşı, Almaniya millisinin sabiq futbolçusu Miroslav Kloze UEFA Prezidenti mükafatını alıb.
"Almaniya" teqi üzrə xəbərlər
- Almaniyadan Rusiya ilə müharibə üçün 1000 səhifəlik məxfi plan barədə RƏSMİ AÇIQLAMA
- Bu xəbərləri qaçırmayın: 21.11.2024-ün ən mühüm hadisələri
- Annalena Berbok: "İqlim maliyyəsi sahəsində əməkdaşlığın genişləndirilməsi vacibdir"
- Almaniyada maraqlı hadisə: Göyərçin 200 sürücünü yeraltı dayanacağa kilidlədi
- Annalena Berbok: "Bakıda bütün qitələrdə iqlim koalisiyalarının yaradılması üzərində çalışırıq"
Ən çox oxunanlar
