Premyer Liqa: "Neftçi" heç-heçə etdi

Azərbaycan Premyer Liqasında IV turun daha bir görüşü keçirilib.

"Report" xəbər verir ki, günün ikinci matçında "Araz-Naxçıvan" və "Neftçi" üz-üzə gəlib.

"Live Bona Dea Arena"da baş tutan matçda heç-heçə qeydə alınıb - 1:1.

Qarşılaşmada hesabı meydan sahibləri açıb. 16-cı dəqiqədə Ömər Buludov dəqiq zərbə müəllifi olub.

"Ağ-qaralar" yalnız 90+4-cü dəqiqədə məğlubiyyətdən xilas olublar. Ramil Şeydayev fərqlənib.

Qeyd edək ki, günün ilk matçında "Turan Tovuz" səfərdə "Qarabağ"a səfərdə 1:0 hesabı ilə qalib gəlib.

20:40

Bu gün Azərbaycan Premyer Liqasında IV turun daha bir oyunu keçirilib

"Report" xəbər verir ki, ölkəmizi UEFA Çempionlar Liqasında təmsil edən "Qarabağ" doğma meydanda "Turan Tovuz"la qarşılaşıb.

"Azersun Arena"da keçirilən matçda qonaqlar qələbə qazanıblar - 0:1.

Matçda yeganə qolu 18-ci dəqiqədə Otto Con Ağdam təmsilçisinin qapısından keçirib.

Penalti zərbəsini dəqiq yerinə yetirən futbolçu komandasına 3 xal qazandırıb.

11:54

Bu gün Azərbaycan Premyer Liqasında IV turun daha iki oyunu keçiriləcək.

"Report" xəbər verir ki, əvvəlcə ölkəmizi UEFA Çempionlar Liqasında təmsil edən "Qarabağ" doğma meydanda "Turan Tovuz"la qarşılaşacaq.

"Azersun Arena"da reallaşacaq matçın start fiti saat 18:15-də səslənəcək.

Ardınca Roman Qriqorçukun çalışdırdığı "Neftçi" "Araz-Naxçıvan"ın qonağı olacaq.

"Live Bona Dea Arena"da baş tutacaq matç saat 20:30-da başlayacaq.

Qeyd edək ki, turun ilk matçında "Səbail" "Kəpəz"ə 4:0 hesabı ilə qalib gəlib. Tura sabah keçiriləcək iki oyunla yekun vurulacaq.