Misli Premyer Liqasının XXX turunun son matçında "Zirə" səfərdə "Neftçi"ni məğlub edib.
Oxu.Az xəbər verir ki, "Neftçi Arena"da keçirilən görüş qonaqların 4:2 hesablı qələbəsi ilə yekunlaşıb.
"Neftçi"dən qolları Filip Ozobiç (9), Edvin Kuç (23) vurub. "Zirə"nin heyətində isə Rafael Utziq (43-p., 75-p.), Davit Volkov (61) və Ceyhun Nuriyev (77) fərqləniblər.
Bu nəticədən sonra "Zirə" 58 xalla turnir cədvəlinin ikinci pilləsində yer alıb. Altıncı olan "Neftçi"nin isə 35 xalı var.
Qeyd edək ki, turun daha əvvəl keçirilən görüşlərində "Qarabağ" "Səbail"i (4:1), "Turan Tovuz" "Sabah"ı (2:1), "Şamaxı" "Sumqayıt"ı (2:1) məğlub edib. "Kəpəz" - "Araz-Naxçıvan" görüşü isə qolsuz bərabərliklə yekunlaşıb.
Misli Premyer Liqasının XXX turunda "Kəpəz" "Araz-Naxçıvan"la heç-heçə edib.
Oxu.Az xəbər verir ki, Tovuz şəhər stadionunda baş tutan görüş qolsuz bərabərliklə yekunlaşıb.
Bu nəticədən sonra "Araz-Naxçıvan" hazırda 52 xalla turnir cədvəlinin üçüncü pilləsində qərarlaşıb. Doqquzuncu yerdə olan Gəncə klubunun isə 28 xalı var.
Qeyd edək ki, turun daha əvvəl keçirilən görüşlərində "Qarabağ" "Səbail"i (4:1), "Turan Tovuz" "Sabah"ı (2:1), "Şamaxı" isə "Sumqayıt"ı (2:1) məğlub edib.
Misli Premyer Liqasında XXX tura bu gün baş tutacaq iki oyunla yekun vurulacaq.
Oxu.Az xəbər verir ki, əvvəlcə "Araz-Naxçıvan" səfərdə "Kəpəz"in qonağı olacaq.
Tovuz şəhər stadionunda keçiriləcək və Kamal Umudlunun idarə edəcəyi görüş saat 17:00-da başlayacaq. "Araz-Naxçıvan" hazırda 51 xalla turnir cədvəlinin üçüncü pilləsində qərarlaşıb. Doqquzuncu yerdə olan Gəncə klubunun isə 27 xalı var.
Turun son matçı "Neftçi Arena"da baş tutacaq. "Neftçi" evdə "Zirə" ilə üz-üzə gələcək. Rəşad Əhmədovun idarə edəcəyi matçın start fiti saat 19:15-də səsləndiriləcək. "Zirə" turnir cədvəlində 55 xalla ikinci yerdədir. Altıncı olan "Neftçi"nin isə 35 xalı var.
Qeyd edək ki, turun daha əvvəl keçirilən görüşlərində "Qarabağ" "Səbail"i (4:1), "Turan Tovuz" "Sabah"ı (2:1), "Şamaxı" isə "Sumqayıt"ı (2:1) məğlub edib.
