PSJ "Arsenal"la görüşə ciddi itki ilə çıxacaq

PSJ-nin hücumçusu Usman Dembele Çempionlar Liqasının yarımfinalının "Arsenal"la ilk oyununda zədələndikdən sonra qrupla məşq etməyib.

Oxu.Az "L'Équipe"ə istinadən xəbər verir ki, fransalı futbolçu həmin oyunda yeganə qolu vursa da, sonradan zədə səbəbindən meydanı tərk etmək məcburiyyətində qalıb.

Dembelenin bud nahiyəsində problem var. Lakin o, tibbi müayinədən keçməyib. Komanda yoldaşlarından fərqli olaraq, idman zalında fərdi çalışır. Onun şənbə günü keçiriləcək "Strasburq"la oyunu buraxacağı da gözlənilir.

Demebelenin "Arsenal"la cavab oyununa hazır olacağı proqnozlaşdırılır.

Qeyd edək ki, PSJ London klubunu mayın 7-də Parisdə qəbul edəcək.