"Qalatasaray" klubu "Qarabağ"a iki qol vuran gürcüstanlı futbolçu ilə danışıqlara başlayıb

Türkiyə nəhəngi "Qalatasaray" klubu "Lion"un heyətində "Qarabağ"a iki qol vuran gürcüstanlı futbolçusu Jorji Mikautadze ilə danışıqlara başlayıb.

Oxu.Az "SporX"-ə istinadən xəbər verir ki, "Lion" klubunda əsas heyətə düşə bilməyən Mikautadze "sarı-qırmızılar"ın təklifini dəyərləndirəcəyini bildirib.

24 yaşlı futbolçu "Lion" rəsmiləri ilə görüşərək əsas heyətdə çıxış edə biləcəyi komandaya transfer olmaq istədiyini bildirib.

Qeyd edək ki, "Lion" forması ilə 24 oyunda meydana çıxan Jorji Mikautadze altı qol vurub, bir məhsuldar ötürmə edib.