"Qalatasaray" "Yuventus"un ulduz yarımmüdafiəçisi Kefren Türamı öz heyətinə qatmaq üçün hərəkətə keçib.
Oxu.Az "Tuttosport"a istinadən xəbər verir ki, İstanbul təmsilçisi 25 yaşlı fransız futbolçu ilə yaxından maraqlanır.
Bu transferin reallaşması üçün rəhbərlik qarşı tərəfə təxminən 30 milyon avro dəyərində rəsmi təklif göndərib.
Buna baxmayaraq, oyunçu yay transfer pəncərəsində "Qalatasaray" formasını geyinməyə isti yanaşmır. O, karyerasını məhz "Yuventus"da davam etdirmək niyyətindədir.
Digər tərəfdən isə Turin təmsilçisi əsas simalarından birini satmaq ehtimalını istisna etmir. Məlumatlara görə, "Yuventus" ayın sonunadək daxili maliyyə vəziyyətini tarazlamalıdır. Məhz bu səbəbdən klub rəhbərliyi bir neçə aparıcı futbolçusu ilə bağlı gələn təklifləri dəyərləndirməyə açıqdır.
Qeyd edək ki, "Yuventus" rəhbərliyi yarımmüdafiəçisi ilə yollarını ayırmaq üçün ən azı 40 milyon avro məbləğində təzminat tələb edir.
