"Qarabağ" klubunun bu gün yollarını ayırdığı futbolçusu Redon Cicanın yeni komandasının adı məlum olub.
Oxu.Az xəbər verir ki, bu barədə Ağdam təmsilçisi məlumat yayıb.
Bildirilib ki, oyunçu "SSPA Şabab Riadi Beluizdad" klubuna transfer olunub. 26 yaşlı albaniyalı hücumçu Əlcəzair klubu ilə müqavilə imzalayıb.
2023-cü ilin yanvarından "Qarabağ"ın formasını geyinən forvard 3 dəfə Azərbaycan çempionu adını qazanıb, 1 dəfə ölkə kubokunun qalibi olub. O, 73 oyunda 13 qol və 5 assistə imza atıb.
"Qarabağ"ı tərk edən daha bir futbolçunun adına aydınlıq gəlib.
Oxu.Az Futbolinfo.az-a istinadən xəbər verir ki, hücumçu Redon Cica növbəti mövsümdən Azərbaycan çempionunun heyətində yer almayacaq.
Ağdamlılar gələn ilin yayına qədər müqaviləsi olan albaniyalı forvardla yollarını ayırıb. Uzun müddətdir Cicanı sözləşmənin ləğvinə razı salmağa çalışan "Qarabağ" rəhbərliyi nəhayət ki, arzusuna çatıb.
Bununla Yassin Benzia, Patrik Andrade və Marko Veşoviçdən sonra "Qarabağ"la vidalaşan 4-cü legioner Cica olub. "Qarabağ" yaxın günlərdə ayrılığı rəsmən açıqlayacaq.
Xatırladaq ki, Redon Cica "Qarabağ"a 2023-cü ilin əvvəlində "Tirana"dan keçib.
Qeyd edək ki, "Qarabağ" daha öncə Marko Veşoviç və Patrik Andrade ilə də yolları ayırmışdı.
