"Qarabağ"ın futbolçusu: "Sabahkı oyunda qələbəyə çox ehtiyacımız var"

"Qələbəyə çox ehtiyacımız var".

Oxu.Az "Report"a istinadən xəbər verir ki, bunu "Qarabağ"ın futbolçusu Marko Veşoviç İsveç təmsilçisi "Elfsborq"a qarşı keçirəcəkləri UEFA Avropa Liqasının Liqa mərhələsinin VI turunun oyunundan öncə baş tutan mətbuat konfransında deyib.

O, sabahkı oyunda qələbə qazanmaq istədiklərini bildirib:

"Sabah bizi çətin rəqibə qarşı ağır qarşılaşma gözləyir. Bu matça yaxşı hazırlaşdığımızı düşünürəm. Qələbəyə çox ehtiyacımız var. Ümid edirəm ki, sabahkı görüşdə istədiyimiz nəticəni əldə edə biləcəyik. Bakıya qələbə ilə qayıdıb, sevincimizi azarkeşlərimizlə bölüşmək istəyirik".

Qeyd edək ki, UEFA Avropa Liqasının Liqa mərhələsinin VI turunun "Elfsborq" - "Qarabağ" oyunu dekabrın 12-də, Bakı vaxtı ilə saat 00:00-da başlayacaq.