"Qarabağ"ın futbolçusu Marko Yankoviçin klubdan ayrılacağı ilə bağlı yayılan məlumatlar həqiqəti əks etdirmir.
Bu barədə Ağdam təmsilçisinin mətbuat xidmətindən Oxu.Az-ın sorğusuna cavab olaraq bildirilib.
Klubdan qeyd olunub ki, monteneqrolu yarımmüdafiəçinin komanda ilə qüvvədə olan müqaviləsi var və onun ayrılması ilə bağlı hər hansı müzakirə aparılmır:
"Yankoviçin komanda ilə müqaviləsi hələ də davam edir. Transfer pəncərəsi də açıq deyil ki, belə bir məsələ müzakirəyə çıxarılsın. Bu barədə heç bir mövzu yoxdur və yayılan məlumatlar həqiqəti əks etdirmir".
Qeyd edək ki, Marko Yankoviç 2022-ci ildən "Qarabağ"ın formasını geyinir.
Qaynar xətt:
(055) 224 12 12
