UEFA Avropa Liqasının birinci təsnifat mərhələsində mübarizə aparacaq "Qarabağ" klubu İslandiyanın "Vestri" komandasına qarşı keçirəcəyi matçlar ərəfəsində iştirak ərizəsini yeniləyib.
Oxu.Az xəbər verir ki, qitə futbol qurumunun rəsmi portalında dərc olunan son siyahıya əsasən, Ağdam təmsilçisi növbəti sınaq üçün 24 futbolçuya güvənəcək.
Yenilənmiş iştirak ərizəsində diqqətçəkən məqamlar var. Komandanın legionerləri Joni Montiel və Jeremi Qnali, eləcə də yeni transfer edilən qapıçı Martin Zlomisliç "Vestri" ilə duellər üçün siyahıdan kənarda qalıblar.
"Qarabağ"ın rəsmi iştirak ərizəsini təqdim edirik:
Qapıçılar: Şahruddin Məhəmmədəliyev, Teymur Həsənov (B), Bilal Hacıyev (B), Mateuş Koxalski
Müdafiəçilər: Mateus Silva, Bençe Varkonyi, Bruno Lanqa, Bəhlul Mustafazadə, Dani Bolt, Elvin Cəfərquliyev, Bədavi Hüseynov.
Yarımmüdafiəçilər: Jali Muaddib, Marko Yankoviç, Abdullah Zubir, Kadi, Oleksey Kaşuk, Cebrail Makreşkis, Hikmət Cəbrayılzadə (B), Pedro Bikalyo, Əli Bəşirov (B), Samuel Lobato.
Hücumçular: Zakariya Savo, Musa Qurbanlı, Renaldo Sefas.
Qeyd edək ki, siyahıda adları B kateqoriyasında göstərilən Teymur Həsənov, Bilal Hacıyev, Hikmət Cəbrayılzadə və Əli Bəşirov "Qarabağ"ın öz yetirmələridir. Yerli oyunçuların bu şəkildə ərizəyə daxil edilməsi Avrokuboklarda iştirak edən bütün klublar üçün UEFA tərəfindən irəli sürülən mütləq tələbdir.
