"Qarabağ" UEFA Çempionlar Liqasında yeni mövsümə hansı tarixdə start verəcək?

UEFA Çempionlar Liqasında 2025/26 mövsümünün birinci təsnifat mərhələsinə 8-9 və 15-16 iyul tarixlərində start veriləcək.

Oxu.Az xəbər verir ki, "Qarabağ"ın da mübarizə aparacağı ikinci təsnifat mərhələsinin oyunları 22-23 və 29-30 iyul tarixlərində keçiriləcək.

Üçüncü təsnifat turunda mübarizə aparacaq komandalar isə 5-6 və 12 avqust tarixində üz-üzə gələcəklər.

Pley-off mərhələsinə vəsiqəni təmin edən komandalar UEFA Çempionlar Liqasının Liqa mərhələsində iştirakını təsdiqləmək üçün 19-20 və 26-27 avqust tarixlərində qaliblərin adına aydınlıq gətirməli olacaqlar.

UEFA Çempionlar Liqasının Liqa mərhələsinin təqvimi isə belədir:

I həftə: 16-18 sentyabr, 2025-ci il;

II həftə: 30 sentyabr - 1 oktyabr, 2025-ci il;

III həftə: 21-22 oktyabr, 2025-ci il;

IV həftə: 4-5 noyabr, 2025-ci il;

V həftə: 25-26 noyabr, 2025-ci il;

VI həftə: 9-10 dekabr, 2025-ci il;

VII həftə: 20-21 yanvar, 2026-cı il;

VIII həftə: 28 yanvar, 2026-cı il.