“Komandamıza yeni transferlər gözlənilir. Sadəcə, yüz faizlik olmasa, dəqiq məlumat vermək istəmirik”.
Oxu.Az-ın məlumatına görə, bu fikirləri Sport24.az-a açıqlamasında “Qarabağ”ın baş məşqçisi Qurban Qurbanov bildirib.
Gözlənilən yeni transferlər haqda məlumat verən təcrübəli mütəxəssis ön xəttini gücləndirmək üzərində işlədiklərini söyləyib:
“Polşalı müdafiəçi Yakub Rjezniçakın keçidi tam alınıb. Bizə lazım olan hücuma meylli yarımmüdafiəçi mövqeyinə futbolçu ilə müsbət danışıqlar gedir. O, daha çox cinahda çıxış etsə də, bir neçə mövqedə oynaya bilən futbolçudur. Bəzi lazım olan oyunlarda müdafiədə də oynaya bilir. Onun keçidinin bu günlərdə həll olunmaq ehtimalı çoxdur”.
Maraqlıdır, Qurban ad çəkməsə də, bu, hansı çempionatdan gələn legionerdir? Baş məşqçini dinləyək:
“Onu deyə bilərəm ki, Türkiyə Super Liqasından gələn legionerdir. Çox effektli futbolçudur”.
“Qarabağ”ı çalışdırıcısı danışıqlar apardıqları 2 hücumçudan da söz açıb:
“İki futbolçu da var ki, onlarla hələ danışıqlar gedir. Bizim tərəfdən müsbət olan bir şey yoxdur. Ancaq danışıqlarımız davam edir. Hücum xəttinə minimum iki legioner gətirmək istəyirik”.
S.B.
www.oxu.az
