"III MDB oyunlarında çox gözəl yarışlar keçirilir".
Bu sözləri Baku TV-yə açıqlaması zamanı karate üzrə 5 dəfə dünya çempionu, 11 dəfə Avropa çempionu Rafael Ağayev deyib.
O bildirib ki, III MDB oyunlarında karate yarışını kənardan izləmək üçün Mingəçevirə gedib:
"Nəinki karate, bütün idman növlərində medallarımız olacaq. Çünki Azərbaycan xalqı həmişə qalib gəlməyi bacarır və sevir".
Karateçi qeyd edib ki, yarışlarda tələbələri də iştirak edirlər:
"Dünən tələbəm Aslan 3-cü yerin sahibi oldu. Bu gün isə 75 kiloqram çəki dərəcəsində Fərid Ağayev döyüşəcək. Həmçinin, zalımızın iki xanım idmançısı da burada iştirak edir".
"7-8 ölkənin idmançıları burada iştirak edirlər. Hər şey yolunda gedir. Sözsüz ki, yığma komandalarımızın baş məşqçiləri var və bütün işləri onlar görürlər. Onlara da işlərində uğurlar arzu edirəm. Düşünürəm ki, hər şey yaxşı olacaq", - deyə R.Ağayev yekunlaşdırıb.
Daha ətraflı süjetdə:
