Rusiyanın "Soçi" klubu Azərbaycan millisinin hücumçusu Ramil Şeydayevlə müqavilə imzaladığını elan edib.
Oxu.Az bu barədə klubun rəsmi saytına istinadən xəbər verir.
"Bu gün, avqustun 3-də 30 yaşlı Şeydayev "cənublular"la bir mövsümlük müqavilə imzalayıb. Forvard "Soçi"də 7 nömrəli formada çıxış edəcək", - deyə klubun məlumatında bildirilib.
Qeyd edək ki, Ramil Şeydayev daha əvvəl "Zenit", "Rubin", "Trabzonspor", "Qarabağ", "Jilina", "Krılya Sovetov", "Dinamo", "Sabah", "Kocaelispor" və "Buriram" klublarında çıxış edib.
O, Azərbaycan millisinin heyətində keçirdiyi 69 oyunda 10 qol vurub.
Qaynar xətt:
(055) 224 12 12
