Kriştianu Ronaldunun “Yuventus”a keçidindən sonra Madrid “Real”ı artıq öz “Twitter” hesabının 1 milyon izləyicisini itirib.
Oxu.Az xəbər verir ki, Ronaldu İspaniyanı tərk etdikdən sonra izləyicilərin sayı 31,97 milyondan 31,02 milyona enib.
Eyni zamanda “Yuventus”un rəsmi “Twitter” səhifəsinin abunəçilərinin sayında 1,1 milyon nəfər artım müşahidə olunub.
Portuqaliyalı hücumçu 2009-cu ildən “Real”ın şərəfini qoruyub və klubun tarixində ən çox qol vuran futbolçudur (438 oyunda 450 qol).
