Renat Dadaşov Polşa klubunda - Müqavilənin müddəti bəlli oldu

Azərbaycanlı hücumçu Renat Dadaşov və Polşanın "Radomyak" futbol klubu arasında müqavilənin müddəti açıqlanıb.

Oxu.Az xəbər verir ki, polşalı jurnalist Şimon Yançikin məlumatına görə, tərəflər arasında mövsümün sonuna qədər müqavilə imzalanıb. Müqavilədə həmçinin oyunçu ilə klub arasında qarşılıqlı razılaşma əsasında əməkdaşlığın uzadılmasına imkan verən bənd də əksini tapır.

Qeyd edək ki, Renat Dadaşov ötən şənbə günü yeni komandasının 22-ci turda "Legiya" ilə oyununu (3:1) tribunadan izləyib. Daha əvvəl onun transferini "Radomyak"ın baş məşqçisi Joau Henrikes açıqlamışdı.

Onu da əlavə edək ki, daha bir azərbaycanlı futbolçu Rahil Məmmədov da "Radomyak"ın şərəfini qoruyur.

10:04

Türkiyə təmsilçisi "Ankaragücü" ilə müqaviləsini ləğv edən Azərbaycan millisinin futbolçusu Renat Dadaşov karyerasını Polşada davam etdirəcək.

Oxu.Az xəbər verir ki, 25 yaşlı forvard "Radomyak"a keçir.

Transferin tezliklə rəsmən açıqlanacağı gözlənilir. Hücumçu artıq Polşaya yollanıb.

Qeyd edək ki, "Radomyak"da Azərbaycan yığmasının müdafiəçisi Rahil Məmmədov da çıxış edir.