Portuqaliya Futbol Federasiyası Roberto Martinesin istefasından sonra milli komandanın baş məşqçisi postuna Jorje Jezuşu gətirmək qərarına gəlib. 71 yaşlı mütəxəssis yığmanı növbəti Avropa və dünya çempionatlarına hazırlayacaq.
Oxu.Az xəbər verir ki, bu barədə "A Bola" nəşri xəbər yayıb.
Qeyd olunur ki, Portuqaliya millisi 1/8 final mərhələsində mübarizəni dayandırdığı DÇ-2026-dan qayıtdıqdan sonra Jezuşla rəsmi müqavilə imzalanacaq.
İspaniyalı Roberto Martines komandasının dünya çempionatında mübarizəni dayandırmasından sonra futbol üzrə Portuqaliya yığmasının baş məşqçisi postunu tərk edib.
Oxu.Az xəbər verir ki, bu barədə o, mətbuat konfransında jurnalistlərə bildirib.
Portuqaliyalılar turnirin 1/8 final matçında ispanlara məğlub olublar (0:1).
"Bu, inanılmaz bir dövr idi. Təsvir edə bilməyəcəyim bir qürur. Bütün Portuqaliya xalqının bizə bəxş etdiyi güc, enerji inanılmaz idi", - Martines qeyd edib.
Martinesin 52 yaşı var. O, 2023-cü ilin yanvarında Portuqaliya yığmasına rəhbərlik etməyə başlayıb və onu 2024/25 mövsümündə Millətlər Liqasında qələbəyə çatdırıb. Buna qədər ispaniyalı 2016-cı ildən Belçika yığmasını çalışdıraraq onunla birlikdə Rusiyada keçirilən 2018-ci il dünya çempionatında üçüncü yeri tutub. Bu nəticə komanda üçün dünya birinciliklərində ən yaxşısı olub.
Məşqçilik karyerası ərzində Martines İngiltərənin "Suonsi", "Uiqan" və "Everton" klublarını çalışdırıb. İspaniyalı "Uiqan"la 2012/13 mövsümündə İngiltərə Kubokunun sahibi olub.
