Rodriqonun "Arsenal"a keçidi baş tutmayacaq

"Real Madrid" komandasının cinah hücumçusu Rodriqo Qoesin Londonun "Arsenal" klubuna keçidi baş tutmayıb.

Oxu.Az "Football Insider" saytına istinadla xəbər verir ki, "topçular" braziliyalı oyunçuya maraq göstərsələr də, bu transfer reallaşmayacaq.

Bildirilir ki, Rodriqo ötən mövsüm aldığı oyun müddətindən narazı olsa da, o, yeni baş məşqçi Xabi Alonsonun kluba gəlişinə nikbin baxır və onunla işləməyi səbirsizliklə gözləyir.

Qeyd edək ki, hücumçu ötən mövsüm bütün turnirlərdə 51 matçda iştirak edib, 14 qol vurub, 10 məhsuldar ötürmə edib.