Rodriqonun dublu “Real Madrid”ə qələbə qazandırdı - VİDEO

İspaniya La Liqasının 30-cu turunun “Real Madrid” - “Atletik Bilbao” qarşılaşması keçirilib. Oyun Madriddəki “Santyaqo Bernabeu” stadionunda baş tutub. Görüşün baş hakimi kimi Xavyer Arbelola Roxas çıxış edib.

8-ci dəqiqədə madridlilər Rodriqonun qolu ilə hesabda önə keçiblər. 73-cü dəqiqədə meydan sahiblərinin braziliyalı hücumçusu dubla imza atıb - 2:0.

İspaniya çempionatında 30 turdan sonra Madridin “Real” klubu 75 xal toplayıb və liderdir. Öz növbəsində, “Atletik” eyni sayda oyundan sonra 56 xal toplayıb və dördüncü yerdə qərarlaşıb.