Səudiyyə Ərəbistanının “Ən Nəsr” futbol klubu İrana səfər edib.
Oxu.Az xəbər verir ki, heyətində portuqaliyalı ulduz Kriştianu Ronaldunun yer aldığı ərəb komandası sentyabrın 19-da Asiya Çempionlar Liqasının qrup mərhələsi çərçivəsində yerli “Persopolis”lə üz-üzə gələcək.
Yerli azarkeşlər məşhur futbolçunu böyük coşqu ilə qarşılayıblar. Hətta Ronaldunu görmək üçün gələn izdihamın çox olması səbəbindən “Ən Nəsr” İrandakı məşqini ləğv etməli olub.
Əvəzində, portuqaliyalı hücumçuya xalça hədiyyə edilib. Həmçinin, bütün komandaya internetə çıxışı olan simkartlar verilib.
