Ronaldudan tapmacalı paylaşım: Gecədən sonra şəfəqin gəldiyini unutmayın

Portuqaliya millisinin və İtaliyanın “Yuventus” klubunun futbolçusu Kriştianu Ronaldu FIFA-nın mükafatlandırılması mərasimi olarkən evində istirahət edirmiş.

Oxu.Az xəbər verir ki, portuqaliyalı futbolçu Lionel Messinin altıncı dəfə dünyanın ən yaxşı futbolçusu seçiləcəyini ehtimal etdiyindən mərasimə qatılmağı məqsədəuyğun saymayıb.

O, “Instagram” hesabında evdə istirahətdə olduğu şəklini paylaşaraq portuqal dilində bu sözləri yazıb: 

“Səbir və əzmkarlıq həvəskardan peşəkarlığı fərqləndirən iki xüsusiyyətdir. Bu gün böyük olan hər şey kiçikdən başladı. Hər şeyi edə bilməzsən, ancaq xəyallarının gerçəkləşməsi üçün əlindən gələni et. Gecədən sonra şəfəqin gəldiyini unutmayın”.

 

 

 

 

View this post on Instagram

 

 

 

 

 

 

 

 

 

Paciência e persistência sao duas caracteristicas que diferenciam o profissional do amador. Tudo o que hoje é grande um dia começou pequeno. Você não pode fazer tudo, mas faça tudo o que puder para transformar seus sonhos em realidade. E procure manter em mente que depois da noite sempre vem o amanhecer. LR

A post shared by Cristiano Ronaldo (@cristiano) on Sep 23, 2019 at 1:20pm PDT

Qeyd edək ki, Kriştianu Ronaldu ilin rəmzi yığmasına seçilsə də, tədbirə qatılmadığından, podiuma 10 futbolçu çıxıb.

Səbuhi Musayev