Ronaldunun karyerasının 920-ci qolu "Ən-Nəsr"ə qələbə qazandırdı

Səudiyyə Ərəbistanı Pro Liqasının 17-ci turunda "Ən-Nəsr" və "Əl-Fateh" komandalarının qarşılaşdığı matç başa çatıb.

Oxu.Az xəbər verir ki, "Ən-Nəsr" 3:1 hesabı ilə qalib gəlib.

Oyunun 87-ci dəqiqəsində Kriştianu Ronaldu hesabı 3:1 edən qolu vurub. Bu qol, onun karyerasında 920-ci qol olub.

Keçirilən 17 oyundan sonra "Ən-Nəsr" 35 xalla Pro Liqanın turnir cədvəlində 3-cü yerdədir. "Əl-Fateh" eyni sayda oyundan sonra doqquz xal toplayaraq sonuncu, 18-ci pillədə qərarlaşıb. Səudiyyə Ərəbistanı çempionatının turnir cədvəlinə 43 xalı olan "Əl-Hilal" başçılıq edir.