Azərbaycan şahmatçısı Vasif Durarbəyli ABŞ-də keçirilən "Las Vegas International" turnirinin qalibi olub.
Oxu.Az xəbər verir ki, 32 yaşlı qrosmeyster bu barədə "Facebook" hesabında paylaşım edib.
Vasif Durarbəyli 9 oyunda 7,5 xal toplamaqla birinci olub.
O, ötən il eyni yarışda birinciliyi bölüşdürdüyünü xatırladıb və həmin vaxt keyfiyyətin onu qane etmədiyini vurğulayıb:
"Dedim axı, "Çikaqo Open" isinmə idi. "Las Vegas International" turnirində 7,5/9 xal ilə birinci oldum. Ötən il birinciliyi bölmüşdüm, amma oyun keyfiyyəti qane etməmişdi. Bu dəfə həm nəticə, həm də oyunların keyfiyyəti məni sevindirdi".
