Serxio Ramos Meksikada ilk qolunu vurdu

"Monterrey"in mərkəz müdafiəçisi Serxio Ramos Meksikada debüt qolunu vurub.

Oxu.Az xəbər verir ki, 38 yaşlı futbolçu "Santos Laquna" ilə keçirilən matçda fərqlənib.

İspaniyalı futbolçu 57-ci dəqiqədə hesabı 2:1 edib. Ulduz müdafiəçi final fitinə qədər oynayıb. Bu, Serxio Ramosun "Monterrey"də forma geyindiyi ikinci matç idi.

Xatırladaq ki, "Real Madrid"in sabiq kapitanı fevralın əvvəlində Meksika təmsilçisinin heyətinə qoşulub.

"Monterrey" - "Santos Laquna" matçı 4:2 hesabı ilə ev sahiblərinin xeyrinə başa çatıb.