Sonuncu oyununda het-trikə imza atan Mahir Emreli komandasını rekordçu etdi

Azərbaycan millisinin futbolçusu Mahir Emrelinin vidalaşdığı "Nürnberq" klubu II Bundesliqada tarixi rekorduna imza atıb.

Oxu.Az xəbər verir ki, bu barədə "Club Fokus" nəşri məlumat yayıb.

Rekord komandanın sonuncu - 34-cü turda "Ayntraxt" (Braunşveyq) komandasına 4:1 hesabı ilə qalib gəldiyi matçda qeydə alınıb. "Nürnberq" ilk dəfə II Bundesliqada bir qarşılaşmanın ilk hissəsində 4:0 hesabı ilə önə keçib.

Həmin matçda Azərbaycan millisinin hücumçusu Mahir üç qol vuraraq het-trik edib.

Qeyd edək ki, Emreli cari mövsümdə bu klubda 11 qol və bir məhsuldar ötürmə ilə yadda qalıb.