Teymur Rəcəbov Dünya Kubokunun finalında qələbəni son günə saxladı - YENİLƏNİB

Rusiyanın Xantı-Mansiysk şəhərində keçirilən Dünya Kubokunun finalında dördüncü partiya da yekunlaşıb.

Oxu.Az xəbər verir ki, Teymur Rəcəbov ağ fiqurlarla oynayan çinli Dinq Lirenə uduzmayıb.

Qarşılıqlı hücumlarla keçən görüş 31-ci gedişdə sülhlə nəticələnib. Beləliklə, ümumi hesab 2:2 olub.

Tərəflər qalibi sabah müəyyənləşdirəcək. Turnir sabah yekunlaşacaq.  

11:47

Azərbaycan şahmatçısı Teymur Rəcəbov Rusiyanın Xantı-Mansiysk şəhərindəki Dünya Kubokunun finalında çinli Dinq Lirenlə dördüncü görüşünə çıxacaq.

Oxu.Az xəbər verir ki, 32 yaşlı qrossmeysterimiz dünya reytinqinin üçüncü şahmatçısı olan rəqibi ilə qara fiqurlarla oynayacaq.

Son üç görüşdə tərəflər hərəyə bir qələbə qazanıb, bir partiya isə heç-heçə bitib. Hazırda tərəflər arasında ümumi hesab bərabərdir – 1,5:1,5.

Bugünkü görüş sonuncu ola da bilər, olmaya da. Qalib müəyyənləşməsə, sabah həlledici görüşdə – tay-breykdə tərəflər güclü ağıl zəkası olduğunu sübut etməyə çalışacaq. 

Qeyd edək ki, yarışın mükafat fondu 1,6 milyon dollardır. Teymur Rəcəbov qalib gələcəyi halda, 110 min dollar qazanacaq. Uduzacağı halda isə 80 min dollarla kifayətlənəcək.

Onu da bildirək ki, üçüncü yer uğrunda görüşdə fransız Maksim Vaşye-Laqravla çinli Yu Yanqyi ilə qarşılaşacaq. Maraqlıdır ki, burda da ümumi hesab bərabərdir – 1,5:1,5.

Səbuhi Musayev