Turan Bayramov final görüşündə məğlub oldu

Azərbaycan cüdoçusu Turan Bayramov (60 kq) Özbəkistanın paytaxtı Daşkənddə keçirilən "Böyük Dəbilqə" turnirində gümüş medal əldə edib.

Oxu.Az xəbər verir ki, 22 yaşlı idmançı finalda Beynəlxalq Cüdo Federasiyasını təmsil edən rusiyalı Ayub Bliyevlə üz-üzə gəlib.

Rəqibinə uduzan T.Bayramov ikinci yerlə kifayətlənib.

Qeyd edək ki, "Böyük Dəbilqə" martın 2-də başa çatacaq.

13:12

Azərbaycan cüdoçusu Turan Bayramov (60 kiloqram) Özbəkistanın paytaxtı Daşkənddə keçirilən "Böyük Dəbilqə" turnirində finala vəsiqə qazanıb.

Oxu.Az xəbər verir ki, 22 yaşlı idmançı yarımfinalda yerli cüdoçu Bakhrom Boturova qalib gəlib.

Bu gün tatamiyə çıxan Balabəy Ağayev (60 kiloqram) və Yaşar Nəcəfov (66 kiloqram) əvvəlki görüşlərdə uduzaraq medal qazanmaq şanslarını itiriblər.

Qeyd edək ki, "Böyük Dəbilqə" martın 2-də başa çatacaq.