"Turan Tovuz"a məğlub olan "Kəpəz"in planı nədir?

"Turan Tovuz"la görüşdə 0:3 hesabı ilə məğlub olan "Kəpəz"in hədəfi bu mövsüm Azərbaycan Premyer Liqasında qalmaqdır.

Bu barədə Oxu.Az-a açıqlama verən klubun baş məşqçisi Adil Şükürov bu mövsüm Azərbaycan Premyer Liqasında qalmağı hədəflədiklərini bildirib.

"Hazırda yeganə hədəfimiz Azərbaycan Premyer Liqasında qalmaq və növbəti mövsümdə daha yaxşı komanda yaratmaqdır. Yeni futbolçu transfer etməyi çox istəyərdik, amma maliyyə vəsaitimiz azdır və limiti, demək olar ki, keçmişik. Buna görə də komandada olan futbolçuları yaxşılaşıdrıb liqada qalmaq üçün mübarizə aparmalıyıq".