"Turan Tovuz" futbol klubunun Rumıniya təmsilçisi "Hermanştadt"la nəzərdə tutulan yoxlama oyunu ləğv olunub.
Oxu.Az-ın məlumatına görə, yoxlama oyununun sabah keçirilməsi nəzərdə tutulurdu.
Oyunun hansı səbəbdən ləğv edildiyi bildirilməyib.
Qeyd edək ki, komanda yanvarın 4-də Türkiyəyə yola düşüb. Antalyanın Belek bölgəsində məskunlaşan Tovuz təmsilçisi Türkiyə toplanışını yanvarın 18-dək davam etdirəcək.
Baş məşqçi Kurban Berdıyevin toplanış çərçivəsində iki yoxlama görüşündə komandanı sınaqdan keçirəcəyi gözlənilirdi.
