"Turan Tovuz" klubu Premyer Liqada tarixi bir uğura imza ataraq öz meydanında 100-cü qolunu rəsmiləşdirib.
Oxu.Az xəbər verir ki, azarkeşləri sevindirən bu yubiley qoluna legioner Xorxe Silva imza atıb.
Futbolçu Misli Premyer Liqasının IV turu çərçivəsində "Sumqayıt"la baş tutan gərgin qarşılaşmada komandasına həm də qələbə (2:1) qazandıran həlledici topun müəllifi kimi yadda qalıb.
Bu tarixi an komandanın yarışdakı 73-cü ev matçına təsadüf edib. Bununla da "Turan Tovuz" Premyer Liqa tarixində 100 və daha artıq qol vurmağı bacaran 24-cü komanda statusunu əldə edib.
Xatırladaq ki, klubun Premyer Liqadakı ev oyunlarında ilk qolu 2022-ci il sentyabrın 9-da qeydə alınıb. Həmin vaxt "Kəpəz"lə keçirilən və 2:0 hesabı ilə bitən matçda Runi Eva fərqlənərək hesabı açmışdı.
