Türkiyə millisinin ulduz futbolçusu Kerem Aktürkoğlu "Benfika"dan ayrılmağı düşünür.
Oxu.Az xəbər verir ki, türkiyəli futbolçu Portuqaliyada xoşbəxt deyil və özünə klub axtarır. "Qartallar" 26 yaşlı vinger üçün 20 milyon avro tələb edir.
Bu barədə insayder Yağız Sabuncuoğlu məlumat yayıb.
K.Aktürkoğlu ötən ilin yayında "Qalatasaray"dan "Benfika"ya transfer olub. O, Lissabon klubunda 53 oyunda 16 qol vurub və 13 məhsuldar ötürmə edib.
