UEFA Avropa Liqasının Liqa mərhələsinin V turunda növbəti oyunlar baş tutub.
Oxu.Az xəbər verir ki, V tura doqquz oyunla start verilib.
Maraqla gözlənilən qarşılaşmalardan biri İstanbulda keçirilib. Yerli "Fənərbağça" Macarıstan təmsilçisi "Ferentsvaroş"la matçda heç-heçə ilə kifayətlənməli olub - 1:1.
Bu nəticə ilə Türkiyə klubu xallarının sayını səkkizə çatdırıb. Aktivində 11 xal olan "Ferentsvaroş" isə məğlubiyyətsiz irəliləyir.
"Roma" isə "Olimpiko" stadionunda Danimarka təmsilçisi "Midtyulland" üzərində minimal hesablı qələbə qazanıb - 2:1.
"Canavarlar" xallarını doqquza çatdırdığı halda, ilk məğlubiyyətini alan "Midtyulland" 12 xalda qalıb.
Digər görüşlərdə aşağıdakı nəticələr qeydə alınıb:
"Aston Villa" (İngiltərə) - "Yanq Boyz" (İsveçrə) - 2:1;
"Portu" (Portuqaliya) - "Nitsa" (Fransa) - 3:0;
"Feyenoord" (Niderland) - "Seltik" (Şotlandiya) - 1:3;
"Lill" (Fransa) - "Dinamo" (Xorvatiya) - 4:0;
"Ludoqorets" (Bolqarıstan) - "Selta Viqo" (İspaniya) - 3:2;
PAOK (Yunanıstan) - "Brann" (Norveç) - 1:1;
"Viktoriya" (Çexiya) - "Frayburq" (Almaniya) - 0:0.
