"Sabah"ın Avropa Liqasının birinci təsnifat mərhələsindəki RƏQİBİ BƏLLİ OLDU

UEFA Avropa Liqasında I təsnifat mərhələsinin püşkü atılıb.

Oxu.Az xəbər verir ki, İsveçrənin Nyon şəhərində keçirilən tədbirdə Azərbaycanın bu turnirdəki təmsilçisi "Sabah"ın rəqibi Sloveniya təmsilçisi "Selye" olub.

Qeyd edək ki, "Sabah" ilk oyununu iyulun 10-u, cavab görüşünü isə iyulun 17-də keçirəcək.

12:26

"Sabah" komandasının UEFA Avropa Liqasının I təsnifat mərhələsindəki potensial rəqiblərinin sayı azalıb.

Oxu.Az UEFA-nın rəsmi saytına istinadən xəbər verir ki, paytaxt təmsilçisinin mümkün rəqiblərinin sayı dördə düşüb.

"Sabah" komandasına Ukraynanın "Şaxtyor", Moldovanın "Şerif", Sloveniyanın "Tselye" və Slovakiyanın "Spartak Trnava" komandalarından biri rəqib olacaq.

Püşkatma Bakı vaxtı ilə saat 17:00-da başlanacaq.

08:16

Bu gün UEFA Avropa Liqasında I təsnifat mərhələsinin püşkü atılacaq.

Oxu.Az xəbər verir ki, İsveçrənin Nyon şəhərində keçiriləcək tədbirdə Azərbaycanın bu turnirdəki təmsilçisi "Sabah"ın da rəqibi bəlli olacaq.

Püşkatma mərasimi Bakı vaxtı ilə saat 17:00-da başlayacaq.

Səpələnməmişlər səbətində yer alan "Sabah"ın potensial rəqibləri:

"Hapoel Beer Şeva" (İsrail)

"Şaxtyor Donetsk" (Ukrayna)

"Partizan" (Serbiya)

"Legiya" (Polşa)

ÇFR (Rumıniya)

"Spartak Trnava" (Slovakiya)

"Tselye" (Sloveniya)

"Şerif" (Moldova)

"İlves" (Finlandiya)

Qeyd edək ki, "Sabah" ilk oyununu iyulun 10-u, cavab görüşünü isə iyulun 17-də keçirəcək.