UEFA Çempionlar Liqasında Liqa mərhələsinin VII turunun ən yaxşı futbolçusu müəyyənləşib.
Oxu.Az UEFA-nın Mətbuat Xidmətinə istinadən xəbər verir ki, bu, "Atletiko Madrid"in hücumçu Xulian Alvares olub.
24 yaşlı argentinalı futbolçu sorğuda "Barselona"dan Rafinya, "Real Madrid"dən Vinisius Junior və PSV-dən Luuk De Yonqu qabaqlayıb.
Qeyd edək ki, Xulian Alvares "Atletiko Madrid"in "Bayer Leverkuzen"i 2:1 hesabı ilə məğlub etdiyi görüşdə iki qol vurub.
