UEFA Çempionlar Liqasının yarımfinal mərhələsinin cavab oyunları çərçivəsində PSJ evdə "Arsenal"ı qəbul edib.
Oxu.Az xəbər verir ki, "Park de Prens" stadionunda keçirilən qarşılaşma Fransa təmsilçisinin qələbəsi ilə yekunlaşıb - 2:1.
Luis Enrikenin yetirmələri rəqib qapısına hər iki hissədə bir dəfə yol tapa biliblər. Fabian Ruis 27-ci, Əşrəf Hakimi isə 72-ci dəqiqədə fərqləniblər.
Vitinya 69-cu dəqiqədə penaltini reallaşdıra bilməyib. Əvəzində London təmsilçisi qollardan birinin əvəzini çıxıb. Bukayo Saka 79-cu dəqiqədə Canluici Donnarummanı məyus edib.
Minimal hesablı qələbə PSJ-nin finala çıxması üçün kifayət edib. Belə ki, tərəflər arasında ilk matç fransalıların 0:1 hesablı üstünlüyü ilə başa çatmışdı.
PSJ final görüşündə "İnter"lə üzləşəcək. Final matçı mayın 31-də Almaniyanın Münhen şəhərində, "Allaianz Arena" stadionunda keçiriləcək.
