"Real Madrid"in fransalı hücumçusu Kilian Mbappe Çempionlar Liqasında həftənin futbolçusu seçilib.
Oxu.Az xəbər verir ki, bu barədə UEFA Çempionlar Liqasının Mətbuat Xidməti məlumat yayıb.
Forvard turnirin Liqa mərhələsinin 5-ci turunda "Olimpiakos"a qarşı keçirilən oyunda (3:4) pokerə imza atıb.
O, cari mövsümdə beş oyundan sonra vurduğu doqquz qolla bombardirlər siyahısına başçılıq edir.
Səsvermədə sonrakı yerləri müvafiq olaraq Vitinya (PSJ), Pyer-Emerik Obameyanq ("Olimpik Marsel") və Seru Qirassi ("Borussiya Dortmund") tutublar.
UEFA Çempionlar Liqasının Liqa mərhələsində V tur oyunlarından sonra həftənin ən yaxşı futbolçusu adına namizədlər bəlli olub.
Oxu.Az xəbər verir ki, bu ada "Real Madrid"dən Kilian Mbappe, "Borussiya Dortmund"dan Seru Girassi, PSJ-dən Vitinya və "Marsel"dən Pyer-Emerik Obameyanq namizəd olub.
Qeyd edək ki, qalib UEFA-nın saytında keçirilən sorğuda müəyyənləşəcək.
