XXI əsrin ən yaxşı baş məşqçiləri siyahısı bəlli olub

"Goal" nəşri XXI əsrdə dünyanın ən yaxşı futbol məşqçilərindən ibarət siyahını tərtib edib.

Oxu.Az xəbər verir ki, hazırda "Mançester Siti"nin baş məşqçisi olan Xosep Qvardiola (sabiq klubları - "Barselona" və "Bavariya) birinci pillədə qərarlaşıb.

İspaniya təmsilçisi "Real Madrid"də işləyən Karlo Ançelotti ("Milan", "Çelsi", "Bavariya") ikinci sırada yer alıb.

İlk üçlüyü İngiltərənin "Mançester Yunayted" komandasının sabiq baş məşqçisi Aleks Ferqyuson qapayır.

Növbəti sıralarda Joze Mourinyo, Yurgen Klopp, Zinəddin Zidan, Dieqo Simeone, Visente Del Boske, Luis Enrike, Antonio Konte, Arsen Venger, Unay Emeri, Roberto Mançini, Lionel Skaloni və Didye Deşam qərarlaşıblar.