Yamal və Pedri "Barselona"dan Levandovskiyə əvəz tapmağı tələb ediblər

İspaniyalı yarımmüdafiəçilər Pedri və Lamin Yamal "Barselona"da polyak hücumçu Robert Levandovskini əvəzləyəcək yeni forvard görmək istəyirlər.

Oxu.Az-ın məlumatına görə, bu barədə "El Nacional" xəbər verib.

Mənbənin bildirdiyinə görə, onlar komandaya hücumların qurulmasında kömək edəcək, hücum planında daha effektiv olmağı bacaran mobil forvardın transferini tələb edirlər.

Hər iki oyunçu bu fikirlərini yaxın ətrafları ilə bölüşüblər. Mənbələrin dediyinə görə, onlar daha çox hərəkət qabiliyyəti və pressinq bacarığı olan bir hücumçunun komandanı hücumda gözlənilməz və təhlükəli edə biləcəyini düşünürlər.

Bildirilir ki, hazırda rəhbərlik iki namizədi - "Yuventus"un serb hücumçusu Duşan Vlahoviçi və "Nyukasl"ın isveçli forvardı Aleksander İsakı nəzərdən keçirir.