Azərbaycan-Özbəkistan İnvestisiya Şirkətinin Müşahidə Şurasının iclası keçirilib

Azərbaycan-Özbəkistan İnvestisiya Şirkətinin Müşahidə Şurasının iclasında strateji investisiyaların artımı və ikitərəfli əlaqələrin gücləndirilməsi imkanları nəzərdən keçirilib.

Oxu.Az xəbər verir ki, iqtisadiyyat naziri Mikayıl Cabbarovun rəhbərlik etdiyi nümayəndə heyətinin Özbəkistana işgüzar səfəri çərçivəsində Azərbaycan-Özbəkistan İnvestisiya Şirkətinin Müşahidə Şurasının iclası keçirilib.

Tədbirdə Özbəkistanla iqtisadi sahədə əlaqələrin yüksələn xətt üzrə inkişaf etdiyi vurğulanıb. Bu baxımdan uğurlu birgə layihələrin, qarşılıqlı sərmayə yatırımlarının əhəmiyyəti qeyd olunub. Ümumi kapitalı 500 milyon ABŞ dolları olan Azərbaycan-Özbəkistan İnvestisiya Şirkətinin ölkələrimizin biznes dairələri arasında əməkdaşlığın, ticarət əlaqələrinin inkişafına yeni təkan verəcəyi bildirilib. Tədbirdə strateji investisiyaların artımı və ikitərəfli əlaqələrin gücləndirilməsi imkanları nəzərdən keçirilib.

14:00

Azərbaycan-Özbəkistan İnvestisiya Şirkətinin Müşahidə Şurasının iclası keçirilib.

Bu barədə iqtisadiyyat naziri Mikayıl Cabbarov "X" sosial şəbəkəsində paylaşım edib.

"Azərbaycan-Özbəkistan İnvestisiya Şirkətinin Müşahidə Şurasının iclasında ikitərəfli strateji investisiyaların artımı, özəl sektorun və biznes fəaliyyətinin təşviqi imkanlarını nəzərdən keçirdik. İşbirliyimizin faydalı nəticələr verəcəyinə inanırıq", - deyə nazir qeyd edib.

#Azərbaycan – #Özbəkistan İnvestisiya Şirkətinin Müşahidə Şurasının iclasında ikitərəfli strateji #investisiya-ların artımı, özəl sektorun və #biznes fəaliyyətinin təşviqi imkanlarını nəzərdən keçirdik. İşbirliyimizin faydalı nəticələr verəcəyinə inanırıq.#EconomyAz pic.twitter.com/jUokYOpBKq

— Mikayil Jabbarov (@MikayilJabbarov) July 10, 2024