Azərbaycanda meyvə bağlarında ilk dəfə ən böyük sığorta ödənişi həyata keçirilib.
Oxu.Az xəbər verir ki, bunu Aqrar Sığorta Fondu İdarə Heyəti sədrinin müşaviri Rəvan Səmədli Xaçmaz rayonunda yerləşən təsərrüfatda böyük məbləğdə sığorta ödənişi ilə əlaqədar mediatur zamanı deyib.
"Hazırda biz Xaçmaz rayonunun Nabran qəsəbəsindəyik. Burada nektarin bağında 2025-ci ilin mart ayında şaxta vurma hadisəsi baş verib. Sahədə iki dəfə ekspertiza aparılıb. İlkin ekspertiza hadisənin təsdiq olunması ilə bağlı aparılıb. Yekun ekspertiza isə artıq məhsul yetişmə tam fazasında olanda həyata keçirilib, daha dəqiq zərər hesablanıb. İlkin proses meyvə bağlarında çiçəklənmə fenoloji fazasında baş verib. Yekun olaraq zərər hesablanıb və fermerə 712 min manat dəyərində sığorta ödənişi həyata keçirilir" - deyə, o bildirib.
Elmidar Əliyev
