Ələt Azad İqtisadi Zonasında (AİZ) istehsal olunan məhsulların 50%-i ixrac şərti ilə 15 il müddətində gömrük rüsumundan azad ediləcək.
Oxu.Az-ın məlumatına görə, sözügedən məsələ "Gömrük tarifi haqqında" Qanuna təklif edilən dəyişiklik layihəsində əksini tapıb.
Layihədə qeyd olunur ki, xarici iqtisadi fəaliyyətin mal nomenklaturası üzrə siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilmiş Ələt azad iqtisadi zonasında Azad Zona hüquqi şəxsi tərəfindən tamamilə istehsal edilmiş və ya emala məruzqalma meyarlarına uyğun olaraq kifayət qədər emal olunmuş Azərbaycan mənşəli malların həcminin azı 50 faizinin ölkə hüdudlarından kənara ixracı şərti ilə, müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada Ələt azad iqtisadi zonasından əsas iqtisadiyyata gətirilməsi - malı istehsal və ya emal edən Azad Zona hüquqi şəxsinin təsis olunduğu tarixdən 15 il müddətində gömrük rüsumlarından azad olunsun.
Layihə qəbul olunacağı təqdirdə güzəştlər 2027-ci ilin yanvarın 1-dən tətbiq olunacaq.
