2014-cü ilin mart ayında Azərbaycanın neft sektorunda birbaşa investisiyalar 15,6%-ə düşərək, aprel ayında ümumi investisiyaların 33,4%-i olub.
Oxu.Az Abc.az-a istinadən xəbər verir ki, Dövlət Statistika Komitəsinin məlumatına görə, 2014-cü ilin yanvar-aprel ayları üçün neft sektoruna 1871,7 milyon manat (2386,459 milyon dollar) sərmayə qoyulub, bu isə 2013-cü ilin yanvar-aprel ayları üçün olan göstəricidən 32,1% (1414,6 milyon manat) çoxdur. Neft sektoruna 2756,2 milyon manat (-3,1%) sərmayə qoyulub.
Nəticədə hesabat dövrü ərzində iqtisadiyyata qoyulan ümumi sərmayələrin 40,4%-i neft investisiyaları, 59,6%-i isə qeyri-neft investisiyaları olub.
Yanvar-aprel ayları ərzində hasilat sektorunun ümumi sərmayəsi 1861,9 milyon manat olub, bu isə 2013-cü ilin yanvar-aprel dövrü üçün olan göstəricidən 31,2% çoxdur. Bu zaman sənaye sahəsinə qoyulan ümumi sərmayə 12,7% artımla 2267,3 milyon manat və yalnız 134,2 milyon manat emal sənayesinə yatırılıb (-48,1%).
Elektroenerji və qaz sektoruna qoyulan investisiyalar 95,7 milyon manat, su təchizatı və tullantıların utilizasiyasına – 175,5 milyon manat, nəqliyyat, anbar təsərrüfatı və poçta – 377,8 milyon manat sərmayə qoyulub. Həmçinin 375 milyon manat nəqliyyata və 2,8 milyon manat poçta, 36,6 milyon manat isə rabitəyə qoyulub.
Daşınmaz əmlakla əməliyyatlara qoyulan investisiya 16,4 milyon manat, yaşayış evlərinin tikintisinə isə 233,6 milyon manatdan ibarət olub.
Kənd təsərrüfatına qoyulan investisiya 116,3 milyon manat, tikinti sektoruna isə 803,3 milyon manatdan ibarət olub.
2014-cü ilin yanvar-aprel ayında ölkənin iqtisadiyyatına qoyulan ümumi investisiya 4627,9 milyon manat olub.
