Mikayıl Cabbarov Yurgen Rigterinklə görüşüb

İqtisadiyyat naziri Mikayıl Cabbarov Avropa Yenidənqurma və İnkişaf Bankının (AYİB) İllik Toplantısı çərçivəsində keçirilən tədbirdə bankın fəaliyyət müddətini başa çatdırmaqda olan birinci vitse-prezidenti Yurgen Rigterink ilə görüşüb.

Oxu.Az xəbər verir ki, bu barədə Mikayıl Cabbarov özünün "X" hesabında məlumat paylaşıb:

"Görüş əsnasında ikitərəfli əlaqələrin gücləndirilməsinə verdiyi töhfələr üçün təşəkkür etdik, bu vəzifəyə yeni təyin edilən Qreq Quyetə fəaliyyətində uğurlar arzuladıq. Azərbaycan AYİB-lə əlaqələrin inkişafına böyük önəm verir. Bankla tərəfdaşlıq müasir yanaşmaların tətbiqi, yaşıl və rəqəmsal inkişafa keçidin sürətləndirilməsi baxımından xüsusi əhəmiyyətə malikdir".

Avropa Yenidənqurma və İnkişaf Bankının (AYİB) (@EBRD) İllik Toplantısı çərçivəsində keçirdiyimiz görüşdə Bankın fəaliyyət müddətini başa çatdırmaqda olan birinci vitse-prezidenti Yurgen Rigterinkə (@JRigterink) ikitərəfli əlaqələrin gücləndirilməsinə verdiyi töhfələr üçün… pic.twitter.com/6jdzzZIA14

— Mikayil Jabbarov (@MikayilJabbarov) May 14, 2025