Nazir müavini: Payızda vergi sistemində böyük dəyişikliklər olacaq

Bu ilin ilk yarısında Azərbaycanın neft sektorundan vergi daxilolmaları 33,6% azalıb.

Oxu.Az Report-a istinadən xəbər verir ki, bunu jurnalistlərlə keçirilən görüşdə vergilər nazirinin müavini Sahib Ələkbərov deyib. 

S.Ələkbərovun sözlərinə görə, qeyri-neft sektorunda vergi daxilolmaları artıb: 

“Neft sektorundan fərqli olaraq, qeyri-neft sektorundan daxilolmalar 9,4% artıb”.

Bununla yanaşı bildirilib ki, cari ilin ilk yarısında neft sektorundan büdcə daxilolmaları 21,8%, qeyri-neft sektoru isə 78,2% olub.

Nazir müavini vergi sistemində yeni dəyişikliklər olacağının da mesajını verib: 

“Payızda vergi sistemində böyük dəyişikliklər olacaq və yanvarın 1-dən qüvvəyə minəcək”.

Ülviyyə R. Əli
www.oxu.az