Yanvar ayı ərzində ölkədən 2 374,79 min ton yük ixrac olunub, idxal həcmi isə 607,97 min ton olub.
Oxu.Az xəbər verir ki, Dövlət Gömrük Komitəsi ötən ay üçün ölkədə yükdaşımaların həcm və daşıma nəqliyyatı növünə görə hesabat təqdim edib.
DGK-nın məlumatına görə, ixrac yükdaşımaları əsasən boru kəmərləri vasitəsilə həyata keçirilib, ümumi həcmi isə 2 374,79 min ton olub.
Dəmir yolu vasitəsilə 169,47 min ton yük, avtomobillər vasitəsilə 40,48 min ton, dəniz yolu ilə - 9,71 min ton, hava nəqliyyatı vasitəsilə - 0,322 min ton və cüzi miqdarda poçt vasitəsilə cəmi 120 kq yük ötürülüb.
DGK-nın hesabatında həmçinin Azərbaycana idxal edilən yükün də miqdarı göstərilib.
Beləliklə, Azərbaycana ötən ay ərzində dəmir yolu vasitəsilə 314,16 min ton yük, dəniz yolu ilə - 166,89 min ton, avtomobillər vasitəsilə 122,57 min ton, hava nəqliyyatı vasitəsilə - 0,81 min ton, qalan nəqliyyat növləri ilə 3,54 min ton yük gətirilib.
Ümumilikdə yanvar ayında ölkəyə 607,97 ton yük gətirilib.
DGK-nın hesabatına müvafiq olaraq, ötən ay üçün ümumi yük gətirilmə həcmi 2 982,76 min tondan ibarət olub, bu isə 2013-cü ilin yanvar ayının göstəricisindən 2,36% azdır.
Gülnarə Zeynalova
www.oxu.az
