Neft İxrac edən Ölkələr Birliyinin (OPEC) üzvləri 2016-cı ildə neft ixracından ümumilikdə 445 mlrd. 684 mln. ABŞ dolları məbləğində gəlir əldə edib.
Oxu.Az “Report”a istinadən xəbər verir ki, bu barədə kartelin illik statistika icmalında bildirilir.
İcmala əsasən, bu, 2015-ci illə müqayisədə 13,2% azdır və 2005-ci ildən bəri ən aşağı həddir.
Xatırladaq ki, OPEC ölkələri ən yüksək nəticəyə 2012-ci ildə nail olub və onların “qara qızıl” ixracından gəlirləri 1,183 trln. dollar olub.
Ötən ilin yekunlarına görə, İran OPEC üzvləri arasında yeganə ölkə olub ki, neft ixracından gəlirlərini artırıb. İslam Respublikası 1,5 dəfəlik artımla 41 mlrd. 123 mln. dollar qazanıb.
Qeyd edək ki, 2016-cı ildə OPEC ölkələri ixrac etdiyi neftin sutkalıq həcmini 6,5% artıraraq 25 mln. 14 min barelə çatdırıb.
U.A.
www.oxu.az
