Bu gün Ukraynanın energetika naziri German Qaluşenkonun rəhbərlik etdiyi Ukrayna nümayəndə heyəti Bakı şəhərində keçirilən Ukrayna-Azərbaycan iqtisadi əməkdaşlıq üzrə Hökumətlərarası Komissiyanın 13-cü iclasında iştirak edib.
Oxu.Az xəbər verir ki, iclas çərçivəsində iqtisadiyyat, energetika, ticarət, mədəniyyət, logistika və nəqliyyat, təhsil və elm sahələrində birgə fəaliyyətlərin aydın planını özündə əks etdirən sənədlər Protokol və Yol xəritəsi imzalanıb.
Təchizat mövzusunda da müzakirələr aparılıb: Avropa İttifaqının diversifikasiya siyasəti çərçivəsində Azərbaycandan Ukraynaya qazın nəqli və Ukraynanın yeraltı qaz anbarlarının enerji təhlükəsizliyi və bərpa olunan energetikanın inkişafı üçün istifadəsi məsələləri diqqət mərkəzində olub.
Ukrayna nümayəndə heyəti Azərbaycanın göstərdiyi humanitar yardıma, xüsusilə də enerji sektorunun bərpası üçün təqdim olunmuş transformatorlar və enerji avadanlıqlarına görə, dərin təşəkkürünü bildirib.
